Idrett
Studietur
På hausten reiser me på roadtrip til Danmark og er innom mellom anna København og Cold Hawaii.
På våren går turen til Brasil med Rio de Janeiro og Ilha Grande som destinasjon.
Sogndal har alt - fantastiske sportsfasilitetar og ein utruleg natur som omkransar skulen. Uansett om du er glad i å trene eller å stå på ski, lika ballspel og friluftsliv så får du alt på denne linja.
Idrettslinja i Sogndal inviterer til allsidig og utfordrande idrett. Det gjer at ein raskt blir ein sammensveisa gjeng. Når veret er bra prioriterar me aktivitetar ute som sandvolley, fotball, kajakk og fjellturar i den vakre naturen som omkrinsar plassen. Er det meir ruskete, da spelar me ball i gymsalen, har opplegg rundt livsstil, kost og trening eller er på Idrettssenteret for å trene.
Idrett har fleire turar i løpet av året med aktivitetar som Via Ferrata, rafting, surfing i Danmark og skitur til Hemsedal, Myrkdalen og Voss. På hausten har me studietur til Danmark, der kjennskapen frå læreran til landet gir ein fantastisk guida tur med aktivitetsopplegg.
På våren reiser me til Brasil, der sandvolley og surfing er igjen på programmet. Ein besøker både Rio de Janeiro og øya Ilha Grande. På turen får elevane og ei større innsikt i kor store forskjellar det er frå Noreg til Brasil, både kulturelt og økonomisk. Blant anna besøker ein favela og ser og korleis den norskdrevne organisasjonen Casas da Noruega arbeida for at barn og ungdom skal få utdanning, og ein moglegheit for eit verdig liv utanfor slum og fattigdom.
Linjelærar
Kvifor velje idrett i Sogndal?
Med eigen brygge, sandvolleyballbane og gymsal ligg alt til rette for kano, kajakk, sandvolleyball, fotball og mykje meir. Skulen ligg midt i smørauga i Sogndal sentrum, i vakre omgjevingar med alt ein treng like utanfor døra.
Vinteren blir den beste venn
På vinteren har me fleire dagar med alpint og det blir mogleg å prøve seg på fleire toppturar.
Me startar sesongen allereie i desember med tur til Hemsedal og vil i løpet av vinteren komme oss rundt til både Myrkdalen skisenter og Voss skianlegg. Sogndal skisenter er kun 20 minuttar unna og her har me mange gode dagar med ski og teknikktrening. Har du ein liten drøym om å bli skiinstruktør i Alpene vil denne linja kunne gi deg gode forutsetningar for å forbetre skiteknikken din.
Det er ingen sjanse for at du blir lei av ski sida me og gjer mange andre aktivitetar på vinteren. Blant anna kampsport, styrketrening, yoga og ishockey på skulens eigen skøytebane.
Sunn konkurranse og vener for livet
Generelt er Idrett ei allsidig linje der du har mykje ballspel, men og alternative idrettar som for eksempel parkour, softball, innebandy og yoga. Berre 10 minutt på sykkel frå skulen ligger Idrettsenteret og Fosshaugane Campus. Dette er eit av dei største idrettsfaglege miljøa i Noreg samla under éit tak, med unike treningsmoglegheiter både i skule- og fritidssamanheng.
Her får idrettselever årskort og mykje trening og undervisning skjer her. Der er det supre moglegheiter for å lære om personleg trening og styrke formen. Du kan og melde deg inn i Studentspretten - studentane sitt eige idrettslag i Sogndal.
Ynskjer du eit år med nye og utfordrande aktivitetar, fantastisk natur og opplevingar utanom det vanlege? Likar du å vere i bevegelse, oppnå eigenutvikling, ha god lagånd og Fairplay? Vil du ha sunn konkurranse og vennskap for livet?
I så fall er dette linja for deg!
Eit år i Sogndal sett spor.
Menneska. Naturen. Opplevingane.
Send din søknad til Sogndal folkehøgskule no
Studietur til Brasil
Bli med idrett på ein fantastisk studietur til sjølvaste Rio de Janeiro.
Opplev varmen, folkelivet og stemninga rundt OL- og VM-byen!
Me bur rett ved ei av verdas mest kjende strender Copacabana i omkring to veker.
På stranda spelar me beachvolleyball og beachsoccer, og me prøver oss på paddleboard og surfing. Me ser både volleyball og fotballkamp, der fotballkampen anten er på den legendariske Maracana stadion eller Estádop Olímpico João Havelange (olympiastadion). I løpet av turen er me óg litt turistar og besøkjer dei mest kjende landemerka, Kristusstatuen og sukkertoppen.
Me besøkjer ein Favela
Rundt Rio er det ulike favelaer, som kjem av at tilbodet av husvere er begrensa og/eller dyrt. Me skal besøkje den største favelaen Rochina, der me får møta ein ung lokal guide som har vakse opp der. Me nyttar motorsykkeltaxi for å reise rundt i favelaen.
Inntrykk og opplevingar for livet
Fokuset i Brasil vil vere på trening, men og viktigheta av å kunne gjere ein forskjell ved å samle inn f.eks. PCer og pengar til organisasjonen Casa da Noruega, som er eit sosialt prosjekt i Rio de Janeiro. Her blir fotball brukt som eit verkemiddel for å hjelpe mange barn og unge frå slumområde med utdanning og personleg utvikling. Det er eit utroleg spennande prosjekt, som me er heldige å få besøke. Me har fokus på å vere eit medmenneske, og gleda av å gjere ein forskjell. Dagen blir og avslutta med fotballkamp mot eit av laga til Casa da Noruega.
Brasilturen vil gi deg inntrykk og ei oppleving for livet!
Bli med oss da vel! Søk i dag!
Utstyrsliste
-
Du treng ikkje å kjøpe nytt utstyr! Om du ikkje har alt på lista, så fins det mykje bra brukt utstyr, eller kanskje du kan låne av familie eller vener?Som elev ved Sogndal folkehøgskule får du også dessutan gode tilbod på skipakkar her i Sogndal på dei lokale sportsbutikkane.
Ta gjerne kontakt om du vil vite meir detaljar om linja eller har spørsmål rundt utstyr.
-
Dette utstyret må du stille med sjølv:
• Treningstøy til ute og inne
• Joggesko til ute og inne
• Badetøy og symjebriller
• Sykkel (gjerne med dempar)
• Sykkelhjelm
• Regntøy
• Kle til fjelltur: Gore-Tex jakke, turbukse, langt ullundertøy, lue, vottar mm.
• Fjellstøvlar eller Gore-Tex sko
• Termos, bestikk, turkopp, tallerken
• Ryggsekk mellom 30-36 L (dagstursekk)
• Sovepose og liggjeunderlag
• Alpin ski eller randonee ski og stavar
• Langrennski og stavar
• Skitøy
• Skihjelm
• Skibriller og solbriller
-
• Squash racket
• Fotballsko
• Knebeskyttarar (volleyball)
• Snøspade + søkestang
• Skøyter
• Skredsøkjar
• Rykksekk (ca. 20 L) til løp eller sykkel
• Ryggsekk (ca. 46 L) til lengre gåturar
